le Domhnall D\u00f2mhnallach (Domhnall Sh\u00e0m), Horgabost<\/p>\n\n\n\n
Th\u00e0inig sinn chun a\u2019 Mhachaire air an ochdamh latha fichead dhen Ch\u00e8itean 1937. Tha cuimhn\u2019 agam air mar an l\u00e0 an-d\u00e8. \u2018S ann mu dh\u00e0 bhliadhna roimhe sin a chaidh am Machaire a roinn an \u00e0ird. Bha ochd fearainn ann a Horgabost agus fichead ann an Seilebost. Bha leithid ag iarraidh nam fearainn \u2018s gun t\u00e0inig orra na h-\u00e0ireamhan a chur ann an ad. Tharraing m\u2019 athair blank agus \u2018s e D\u00f2mhnall Iain Mhurchaidh ann an Geocrab a fhuair am fearann-sa ach cha robh e c\u00f2rdadh ris agus fhuair m\u2019 athair e an uair sin.<\/p>\n\n\n\n
Th\u00e0inig sinn an seo air l\u00e0raidh a\u2019 Chr\u00f2icean, l\u00e0raidh a bh\u2019 aig an Department of Agriculture ann an Losgaintir agus dh\u2019fhalbh sinn \u00e0 M\u00e0nais. Bha mo sheanmhair innte, mi fh\u00e8in is m\u2019 athair, mo mh\u00e0thair agus Sarah, agus th\u00e0inig sinn mu thimcheall na h-Uaimh \u00c0irde. Nach robh Calum againn fh\u00e8in a\u2019 d\u00e8anamh \u00f2ran \u2013<\/p>\n\n\n\n
Bithidh cuimhn\u2019 agam gum b\u00e0saich mi
\n\tAm fuachd chaidh troimh mo chn\u00e0mhan-sa
\n\tDol timcheall na h-Uaimh \u00c0irde
\n\tAnn an c\u00f9laibh l\u00e0raidh Chr\u00f2icean.<\/p>\n\n\n\n
Chaidh Calum againn fh\u00e8in agus Calum br\u00e0thair m\u2019 athar tron a\u2019 bheinn le b\u00f2 a bh\u2019 againn. Chaidh iad a-mach aig Ceann an t-S\u00e0ile, tarsainn Bealach na Ciste, gus an t\u00e0inig iad ann an seo gu d\u00ecreach mu choinneamh far a bheil taigh Ted an-diugh.<\/p>\n\n\n\n
Bha seanmhair Alasdair, Mairead Ros, agus a mh\u00e0thair, Beathag, bha iad romhainn. Bha iad romhainn, agus t\u00ec aca. Bha sinn a\u2019 fuireach ann a hut \u2013 hutaichean a bh\u2019 aig a h-uile duine riamh an uair sin. Cha robh feansa no c\u00e0il an seo ach na craobhan, agus e\u00f2in a\u2019 ceilearadh. \u2018S e bha br\u00e8agha.<\/p>\n\n\n\n
Bhitheadh sinn a\u2019 dol air ais a Mh\u00e0nais tron a\u2019 bheinn uaireannan, agus gu dearbh bha cuid dha na seann daoine a\u2019 togail am peinnsean ann. <\/p>\n\n\n\n
Chaidh mi uair c\u00f2mhla ri Aonghas br\u00e0thair mo mh\u00e0thar agus chaidh sinn s\u00ecos an Sgr\u00ecoba Ruadh agus nuair a bha sinn mu choinneamh Chuidhtinis ghabh sinn tarsainn gu taobh Mh\u00e0nais. Tha e nas fhasa dhol ann mar sin. \u2018S iomadh uair a chaidh mi dhan a\u2019 mhuilinn a Gheocrab dha mo mh\u00e0thair tro Bhealach Creag an E\u00f2in, dol a-mach far a bheil an Causeway an-diugh, dol s\u00ecos gu Taigh Alasdair Mh\u00e0rtainn.<\/p>\n\n\n\n
Bha an cianalas garbh orra, agus ormsa. Ged a th\u00e0inig t\u00f2rr dhiubh a-nall, bha iad ag ionndrainn nan daoine agus an \u00e0ite a dh\u2019fh\u00e0g iad. Bha an t-iasgach math anns na B\u00e0igh. Chuireadh mo mh\u00e0thair am bunt\u00e0ta air an teine, agus dheigheadh m\u2019 athair a dh\u2019iasgach nan cudaigean. Bhitheadh e a-staigh leis na cudaigean mus bitheadh am bunt\u00e0ta bruich. Cha d\u00e8anadh tu sin ann an seo idir. <\/p>\n\n\n\n
Nach bitheadh Alasdair Fearghasdan, B\u00e0rd Chliuthair, ag r\u00e0dh sin. \u2018S ann \u00e0 Seilebost a dh\u2019fhalbh a shinn-seanairean.<\/p>","protected":false},"excerpt":{"rendered":"
with Donald MacDonald (Domhnall Sh\u00e0m), Horgabost Leaving Manish We came to the machair on the 28th of May 1937. I remember it as though it were only yesterday. It was two years before that that the machair was broken up into crofts. There were 8 crofts in Horgabost and 20 in Seilebost. There were so […]<\/p>\n","protected":false},"author":51365,"featured_media":5917,"comment_status":"closed","ping_status":"closed","sticky":false,"template":"","format":"standard","meta":{"_editorskit_title_hidden":false,"_editorskit_reading_time":0,"_editorskit_is_block_options_detached":false,"_editorskit_block_options_position":"{}","footnotes":""},"categories":[254],"tags":[270],"class_list":["post-6301","post","type-post","status-publish","format-standard","has-post-thumbnail","hentry","category-village-histories","tag-harris"],"yoast_head":"\n