le Torcuil MacRath<\/p>\n\n\n\n
Chaidh mo bhreith air a\u2019 chroit a tha seo. Rugadh mi ann an 1923, July 21, agus cha robh ministear againn an uair sin ann. \u2018S ann ann an 1924 a th\u00e0inig Calum MacIomhair agus \u2018s e Rose a bh\u2019 ann ann an 1923, agus mar sin bha mise c\u00f2rr air bliadhna mus deach mo bhaisteadh. Nise, chan eil daoine gabhail rium anns na rud a th\u2019 agam, ach tha cuimhn\u2019 agam a bhith air mo bhaisteadh. Cha robh mi ach beagan agus bliadhna. Cha robh ann ach aon r\u00f9m-sgoile mh\u00f2r \u2018s e cho \u00e0rd. \u2018S e meud an r\u00f9m a dh\u2019fhuirich na mo chuimhne. Bha Calum MacIomhair, am ministear, Calum Beag, c\u00e0irdeach dha m\u2019 athair. Cha robh m\u00f2ran airgid ann ach chan fhac\u2019 e mi riamh nach tug e sia sgillinn dhomh. Bha na coinneamhan againn anns an taigh-sgoile oidhche Dhiardaoin gus na thog iad an taigh-coinneimh.<\/p>\n\n\n\n
Nuair a chaidh mi dhan an sgoil bha tr\u00ec deug thar fhichead innte. Nuair a th\u00f2isich mi a\u2019 coiseachd timcheall, bha t\u00f2rr anns an fhuil agam ag iarraidh chun a\u2019 chladaich. Bha iad a\u2019 cumail a-mach an uair sin gu faigheadh iad b\u00e0thte mi.<\/p>\n\n\n\n
Bha d\u00e0 bhr\u00e0thair agus tri\u00f9ir pheathraichean agam. Tha \u2018n tri\u00f9ir pheathraichean be\u00f2 fhathast agus bh\u00e0saich am br\u00e0thair bu shine bh\u2019 againn. \u2018S ann an taigh a sheanar a chaidh a thogail.<\/p>\n\n\n\n
Bha \u2018n uair sin de dh\u2019iasg timcheall air a\u2019 chladach againn. Bha na sgadain a\u2019 tighinn air t\u00ecr a h-uile h-Earrach. Bha iad cho l\u00e0n \u00e0tha \u2018s nach fhaigheadh iad air a dhol fodha ann. An aon d\u00f2igh leis na bradain \u2013 bha iad a\u2019 tighinn a-nuas an abhainn, abhainn Beinn Th\u00f9rnabhaigh. Tha cuimhn\u2019 agam a\u2019 chiad bradan a fhuair mi anns an abhainn. Chunnaic mi e, cha robh mi ach naodh bliadhna. \u2018S d\u00e8 mar a gheibhinn e, cha robh fhios agam. Bha athair agus m\u00e0thair Peigi Chailein a\u2019 togail bunt\u00e0ta agus chuala mi esan ag \u00e8igheachd, \u201cD\u00e8 th\u2019 agad ann an sin, a Dh\u00f2mhnaill?\u201d \u201cTha\u201d arsa mise, \u201cbradan.\u201d \u201cNa cuir dragh air \u2013 fuirich gu ruig mise.\u201d Th\u00e0inig e leis a\u2019 ghr\u00e0p. Chuir e an gr\u00e0p troimhe \u2018s thog e \u2018n aird e. Thug e \u00e0s p\u00ecos agus bha am bradan cho m\u00f2r - cha robh mise ro mh\u00f2r, co-dhi\u00f9 - ach bha an t-earball aige sguabadh an talamh a\u2019 tighinn a-nuas dhachaigh, agus sin a\u2019 chiad bradan a fhuair mise. \u2018S iomadh h-aon a fhuair mi bhon uairsin air d\u00f2ighean eile! Cha t\u00e8id sinn a-steach ann an sin an dr\u00e0sta.\nBha mh\u00f2ine ri ar taobh air an lot agus, nuair a bha mi beag, gheibhinn a-mach thuice anns a\u2019 chliabh, ach bhiodh a\u2019 mh\u00f2ine anns a\u2019 chliabh a\u2019 tighinn a-steach. Nuair a bhiodh sinn sh\u00ecos rathad na m\u00f2nadh, \u2018s e each agus cairt a bh\u2019 againn. Bhiodh sinn a dol a-mach anns a\u2019 chairt agus a\u2019 ruith dhachaigh gach turas airson faighinn dhan a\u2019 chairt a-rithist.<\/p>","protected":false},"excerpt":{"rendered":"
with Torquil MacRae Early Day’s I began my life on this very croft. I was born on 21st July 1923, and there was no minister here at that time. It was in 1924 that Malcolm MacIver came, and it was Rose who was here in 1923, so I was more than a year old before […]<\/p>\n","protected":false},"author":51365,"featured_media":5924,"comment_status":"closed","ping_status":"closed","sticky":false,"template":"","format":"standard","meta":{"_editorskit_title_hidden":false,"_editorskit_reading_time":0,"_editorskit_is_block_options_detached":false,"_editorskit_block_options_position":"{}","footnotes":""},"categories":[254],"tags":[268],"class_list":["post-6311","post","type-post","status-publish","format-standard","has-post-thumbnail","hentry","category-village-histories","tag-lewis"],"yoast_head":"\n