le Torcuil MacRath<\/p>\n\n\n\n
Nuair a dh\u2019fh\u00e0s mi na b\u2019 aosda, bhiodh sinn a\u2019 dol a dh\u2019iasgach na h-adaig le eathar bheag. Bha eathar mh\u00f2r aig m\u2019 uncle, bha ceithir r\u00e0imh againn oirre, \u2018s bhiodh sinn a\u2019 dol a-mach le na ceithir r\u00e0imh \u2018s duin\u2019 air an sti\u00f9ir. Bha mise an uair sin cho \u00f2g - cha robh mi ach mu cheithir bliadhna deug.<\/p>\n\n\n\n
Bha bodach air mo ch\u00f9laibh anns an eathar agus \u2018s e dh\u2019ionnsaich dhomh iomradh. Dh\u2019fheumainn, mar a thuirt e fh\u00e8in, \u201cS\u00ecn do bhuile\u201d, agus mura deidhinn fada gu le\u00f2r, \u2018s e d\u00f2rn nan r\u00e0imh a gheibhinn anns an druim. \u2018S ann mar sin a chaidh mise ionnsachadh.<\/p>\n\n\n\n
Bha mi \u2018g iasgach an uair sin airson an sgadain. Rinn mi amhran beag aig \u00e0m a\u2019 chogaidh airson na h-amannan a bha sin, mar a bha e tighinn a-steach orm. \u2018S ann sh\u00ecos mu mheadhan a\u2019 bhaile, air taobh sh\u00ecos an taigh-coinneimh, \u2018s ann a bhitheadh sinn leis a\u2019 che\u00f2l. \u2018S air nach biodh de\u00f2 air a\u2019 ghaoith, bha loch eadar sinn agus R\u00e0nais. Stadadh sinn an ce\u00f2l ach am faiceadh sinn an cluinneadh sinn an ce\u00f2l eile a\u2019 dol ann an R\u00e0nais.<\/p>\n\n\n\n
Bha sgadan ri fhaighinn air a\u2019 Ghleann agus bha a h-uile duine \u2018g iarraidh ann. Bha an fheadhainn aig an robh a\u2019 chiad lot a cuir nan l\u00econ agus th\u00e0inig bodaich R\u00e0nais. Bha \u2018n fheadhainn bho cheann sh\u00ecos a\u2019 bhaile a\u2019 smaoineachadh gun deach iad ro fhaisg orra. Chaidh iad a throd riutha, \u2018s thuirt bodach \u00e0 R\u00e0nais, \u201cCuimhnich thusa nach eil an linne uaine seo air a roinn man a tha lotaichean Bun Chasgro!\u201d Tha Bun Chasgro, tha t\u00f2ir thaighean ann.<\/p>\n\n\n\n
Bha t\u00e0bh-chudaig againne le cas fhiodha. Bha na cudaigean a\u2019 tighinn a-steach feasgar. Bhiodh fear air watch agus dh\u2019\u00e8igheadh e, \u201cSeo t\u00e8 a\u2019 tighinn.\u201d Bhiodh na ceudan ann c\u00f2mhla ri ch\u00e8ile. Bha e r\u00e8ir \u2018s mar a bhitheadh neart na gaoith am biodh iad \u00e0rd no \u00ecosal anns a\u2019 mhuir. Nuair a bha e fiadhaich bha iad a\u2019 cumail ris a\u2019 ghrunnd. \u2018Air a bha gealach ann, bha iad an \u00ecre mhath a\u2019 briseadh uachdar na mara. Bhiodh sinn ann an sin \u2018s bha bodach an taigh mo sheanar, \u2018s bhiodh esan sh\u00ecos cuideachd a\u2019 coimhead \u00e0s d\u00e8idh an t\u00e0bh. O, bha e cho greannach. Nan tigeadh iasg m\u00f2r dhan an t\u00e0bh, bhiodh sinne a\u2019 leum air agus bhiodh am bodach fiadhaich!<\/p>","protected":false},"excerpt":{"rendered":"
with Torquil MacRae Fishing When I was older we would go fishing for haddock with the little boat. My uncle had a big boat, with four oars in her, and we would go out with four at the oars and another steering. I was so young then \u2013 only about fourteen. There was an old […]<\/p>\n","protected":false},"author":51365,"featured_media":5896,"comment_status":"closed","ping_status":"closed","sticky":false,"template":"","format":"standard","meta":{"_editorskit_title_hidden":false,"_editorskit_reading_time":0,"_editorskit_is_block_options_detached":false,"_editorskit_block_options_position":"{}","footnotes":""},"categories":[254],"tags":[268],"class_list":["post-6313","post","type-post","status-publish","format-standard","has-post-thumbnail","hentry","category-village-histories","tag-lewis"],"yoast_head":"\n