le Ciorstaidh NicIlleathain (ni\u2019n N\u00e8ill Alasdair Uilleim)<\/p>
\u2019S e obair fearainn a bhe\u00f2shlainte bh\u2019 aig croitearan na h-Ath M\u00f2ire. Bhitheamaid nar cloinn gan cuideachadh a\u2019 coimhead \u00e0s d\u00e8idh nam beathaichean, a\u2019 bleoghainn, a' cartadh na b\u00e0thcha, a\u2019 dol a-mach gu c\u00f9l na beinne a dh\u2019iarraidh nam beathaichean as t-samhradh, obair an fhoghair, togail a' bhunt\u00e0ta. Bha uisge agus m\u00f2ine ri tharraing dhachaigh. Ach tha gnothaichean air atharrachadh gu m\u00f2r an-diugh. Chan eil obair throm aig a\u2019 chloinn ri dh\u00e8anamh. Bha Orasaigh aig na croitearan cuideachd, far an robh iad ri \u00e0iteach fearainn. Bha teaghlaichean a\u2019 fuireach an Orasaigh \u2013 Aonghas M\u00f2r br\u00e0thair mo sheanmhair ann, e fh\u00e8in \u2019s a bhean \u2019s a theaghlach, bha Ailig MacC\u00f2rcadail ann, e fh\u00e8in \u2019s a bhean \u2019s a theaghlach, \u2019s bha D\u00f2mhnall mac Aonghais Ruairidh, e fh\u00e8in \u2019s a bhean \u2019s a theaghlach. Bha iad nan seirbheisich ann. Bha Orasaigh aig Baile Raghnaill, Iain T\u00e0illear, Uilleam Thrumaisgearraidh.<\/p>
Bha ulaidh cuideachd an Orasaigh. \u2019S e c\u00ecobairean a bha air an Ath Mh\u00f2ir a fhuair i \u2013 feadhainn a Chlann \u2018IcCoinnich. Chuala mi gur ann taobh Inbhir Nis a bha iad. An latha bha seo bha mo sheanair \u2013 P\u00e0draig D\u00f9ghlach \u2013 a\u2019 treabhadh an Orasaigh. Th\u00e0inig fear dhe na c\u00ecobairean far an robh e, a\u2019 faighneachd, \u201cA Ph\u00e0draig, a bheil spaid agad?\u201d <\/p>
\u201cTha,\u201d ars\u2019 esan. \u201cChaill mi beathach caorach an seo agus tha mi airson a thiodhlacadh.\u201d Ach d\u00e8 bha e d\u00e8anamh ach bha iad air an ulaidh fhaighinn \u2013 agus fhuair iad an ulaidh ach cha chuala duine be\u00f2 ann an Uibhist gun d\u2019 fhuair iad i. Agus cha robh iad fad\u2019 sam bith nan c\u00ecobairean gu' n do dh\u2019fhalbh iad agus cheannaich iad tuathanas a-mach taobh Inbhir Nis. Chaidh iad chun an jeweller an Inbhir Nis agus cha robh aige na ph\u00e0igheadh na thug iad dha.<\/p>
Bha seann chleachdaidhean againn mar Oidhche Challainn. Cha robh sinn a\u2019 cumail Oidhche Shamhna riamh. Bhiodh na bainnsean mar bu trice air Diardaoin. Bhithte a' d\u00e8anamh banais-taighe air Dihaoine airson an fheadhainn a bha frithealadh air a\u2019 bhanais. Lathaichean ron bhanais bhiodh muinntir an \u00e0ite a\u2019 tighinn le cearcan is fe\u00f2il - bha a h-uile duine a\u2019 cuideachadh. Nuair a bhiodh b\u00e0s anns a\u2019 Bhaile, cha bhiodh na n\u00e0baidhean a\u2019 d\u00e8anamh obair a-muigh gu 'm biodh an tiodhlacadh seachad. Bhithte a\u2019 caithris anns an dachaigh sin cuideachd gu 'm biodh an tiodhlacadh seachad.<\/p>
Bhiodh daoine ag innse sgeulachdan \u2019s a' gabhail \u00f2rain. Bhiodh m\u2019 athair an c\u00f2mhnaidh a\u2019 seinn \"Banais M\u00f2r Chamshroin\" agus \"\u00d2ran na Camairt\u201d Bha Alasdair Ruchdaidh math air d\u00e8anamh \u00f2ran. Bha Iain Sti\u00f9bhart cuideachd math air an d\u00e8anamh. Bha Uilleam a\u2019 Chaolais gan d\u00e8anamh.<\/p>
Bha an t-S\u00e0baid air a cumail gu math faiceallach agus bhiodh a h-uile duine a\u2019 dol dhan eaglais a h-uile S\u00e0baid.<\/p>
Thoisich F\u00e8ill bheathaichean air an Ath Mh\u00f2ire ann an 1922. Bhiodh iad a\u2019 tighinn \u00e0 Be\u00e0rnaraigh, Loch Portain, Loch nam Madadh agus Solas. Bhiodh dr\u00f2bhairean a\u2019 tighinn dhachaigh a cheannach nam beathaichean.<\/p>
Bha fear ann ris an cante Eachann Moireasdan a dh\u2019fh\u00e0g t\u00f2rr airgid \u2013 agus bha an riadh aige ri bhith air a thoirt seachad dhan deichnear a bu bhochda eadar an Sruthan Ruadh agus Port nan Long. Bha Ceit piuthar mo mh\u00e0thar ga fhaighinn. <\/p>
Bhiodh ise cuideachd a\u2019 toirt nan litrichean gu na taighean air an Ath Mh\u00f2ir. Bhiodh Alasdair a\u2019 Ghobha gam f\u00e0gail aice air a rathad \u00e0 Loch nam Madadh. Bha a h-athair agus a seanmhair ris an obair roimhpe.<\/p>","protected":false},"excerpt":{"rendered":"
\u2019S e obair fearainn a bhe\u00f2shlainte bh\u2019 aig croitearan na h-Ath M\u00f2ire. Bhitheamaid nar cloinn gan cuideachadh a\u2019 coimhead \u00e0s d\u00e8idh nam beathaichean, a\u2019 bleoghainn, a' cartadh na b\u00e0thcha, a\u2019 dol a-mach gu c\u00f9l na beinne a dh\u2019iarraidh nam beathaichean as t-samhradh, obair an fhoghair, togail a' bhunt\u00e0ta.<\/p>","protected":false},"author":51365,"featured_media":5947,"comment_status":"closed","ping_status":"closed","sticky":false,"template":"","format":"standard","meta":{"_editorskit_title_hidden":false,"_editorskit_reading_time":0,"_editorskit_is_block_options_detached":false,"_editorskit_block_options_position":"{}","footnotes":""},"categories":[254],"tags":[271],"class_list":["post-6317","post","type-post","status-publish","format-standard","has-post-thumbnail","hentry","category-village-histories","tag-north-uist"],"yoast_head":"\n