Mu Dheidhinn Hebrides People
Hebrides People Visitor Centre tells the history of the people and landscapes of Harris and the Western Isles.
Tha goireas sloinntearachd Hebrides People, ‘Cò Leis Thu?’, stèidhichte air còrr is trì-fichead bliadhna de rannsachadh a rinn Bill Lawson, aig a bheil sàr-eòlas air sloinntearachd nan Eilean Siar.
Chuir Bill Lawson air dòigh an companaidh ‘Cò Leis Thu?’ còmhla ris a bhean Chris ann an 1988, agus dh’fhosgail iad Ionad-tadhail Seallam! (a-nis Ionad-tadhail Hebrides People) ann an 2000.
Tha Hebrides People a-nis ann an làmhan Urras Dualchais an Taobh Tuath, comann buannachd coimhearsnachd le inbhe carthannais.
Ar n-Eachdraidh
Na bliadhnaichean tràtha
An uair a bha Bill Lawson ri cruinneachadh fiosrachadh air teaghlaichean nan Eileanan Siar, bha aige ri siostam math fhaighinn airson a chuir air paipear, a bhiodh furasta a leantainn. Bha cuideachd ceist ann air ciamar a bha e dol a dhèanamh eadar-dhealachadh eadar uiread de dhaoine leis an aon ainm. Thuig e gum feumadh e fiosrachadh a chruinneachadh air a h-uile teaghlach anns na h-Eileanan Siar, agus an uair sin an clàradh ann an riochd chraobhan-teaghlaich. Faigh barrachd a-mach mu Bill an-seo.
An-diugh
Tha Ionad-tadhail Hebrides People anns an Taobh Tuath le taisbeanaidhean agus bùth leabhraichean agus thiodhlacan. Tha e na dhachaigh airson stòras ‘Co Leis Thu?’ agus tha triùir neach-obrach an-dràsda. Barrachd fiosrachaidh.
An àm ri teachd
Tha planaichean inntinneach againn airson na bliadhnaichean a tha air adhart. As dèidh soirbheachadh le iarrtas gu Stòras Fearainn na h-Alba, ceannaichidh a’ choimhearsnachd an talamh mu thimcheall an ionad-tadhail agus an t-Seann Taigh-sgoile far am bheil Bill Lawson a’ fuireach. Bidh taisbeanaidhean ùra ann agus cafaidh air a bheil deagh fheum.
Na Clàran Againn
Tha an rannsachadh, a tha air fad suidhichte ann an Ionad-tadhail Hebrides People agus anns an t-Seann Taigh-sgoile, stèidhichte air an dà-chuid clàran-sgrìobhte agus air beul-aithris.
Cha b’ ann ach gu math truagh a bha clàran-sgrìobhte anns na h-Eileanan Siar ro 1855, agus mar sin cha ghabh fiach a chuir air cho feumail ‘s a tha beil-aithris an tac ri fianais-sgrìobhte a tha neo-iomlan agus neo-chunbhalach.
Chruinnich Bill Lawson beul-aithris mu theaghlaichean nan Eilean Siar, a bha gu math làidir suas chun an ùine bhig a dh’fhalbh, thar còrr is trì-fichead bliadhna de rannsachadh. Barrachd fiosrachaidh.
